Buffon Maldininin rekordunu yenilədi

İtaliya A Seriyasının 6-cı turunda SPAL-a oyun (2:0) “Yuventus”un qapıçısı Canluici Buffon üçün əlamətdar olub.

Teleqraf.com xəbər verir ki, 41 yaşlı qolkiper klub səviyyəsində 903-cü oyununa çıxıb. Bununla da o, klub səviyyəsində ən çox oyun keçirən italiyalı futbolçu olub.

İndiyədək bu rekord bütün karyerası ərzində yalnız “Milan”da çıxış edən və 902 oyun keçirən Paolo Maldiniyə məxsus idi.

Buffon “Parma”da 220, “Yuventus”da 658, PSJ-də isə 25 oyun keçirib.