Rəşad Sadıqov karyerasını başa vurdu

"Qarabağ" klubunun kapitanı Rəşad Sadıqov karyerasını başa vurub.

Teleqraf.com xəbər verir ki, bu barədə komandanın baş məşqçisi Qurban Qurbanov məlumat verib. O, Sadıqovun məşqçi kimi klubda qalıb-qalmayacağı ilə bağlı dəqiq cavab verə bilməyəcəyini qeyd edib.

Qeyd edək ki, peşəkar futbolçu karyerasına 2000-ci ildə "Turan"da başlayan 38 yaşlı müdafiəçi “Neftçi”, “Fulad” (İran), “Kayserispor”, “Kocaelispor”, “Eskişehirspor” (hamısı Türkiyə) da oynayıb. O, 2009-2010-cu illər və 2011-ci ildən indiyə kimi "Qarabağ"da çıxış edirdi.