“Qarabağ" 40-cı böyükhesablı səfər qələbəsini qazandı

“Qarabağ” Azərbaycan çempionatlarında 40-cı böyükhesablı səfər qələbəsini qazanıb.

Teleqraf.com Peşəkar Futbol Liqasının rəsmi saytına istinadən xəbər verir ki, bu, Premyer Liqanın XX turuna təsadüf edib.

“Zirə”ni 3:0 hesabı ilə məğlubiyyətə uğradan Ağdam təmsilçisi bunadək 39 dəfə səfərdə üç və ya daha çox top fərqilə qalib gəlib.

“Qarabağ” ölkə çempionatları tarixində rəqib meydanında 418 dəfə qüvvəsini sınayıb. Ağdamlılar qonaq qismində ilk böyükhesablı qələbəsini 1992-ci il iyunun 29-da əldə edib. Həmin gün Kürdəmir “Şirvan”ı ilə qarşılaşan “Qarabağ” üç cavabsız qolla qalib gəlib.

Qeyd edək ki, Ağdam təmsilçisi səfərdə 40 və ya daha çox matçda belə qələbə qazanan ikinci komandadır. Yalnız “Neftçi”nin aktivində daha çox böyükhesablı qalibiyyət var.