Millimiz qazaxlara uduzdu, növbədə belaruslardı

Özbəkistanın paytaxtı Daşkənd şəhərində keçirilən beynəlxalq turnirdə iştirak edən futzal üzrə Azərbaycan yığması dünən Qazaxıstan millisi ilə qarşılaşıb.

Publika.az xəbər verir ki, futzalçılarımız qazax həmkarlarına 1:4 hesabı ilə məğlub olub.

Oyunda millimizin yeganə qoluna Rəcəb Fərəczadə imza atıb.

Komandamız beynəlxalq turnirdə ikinci oyununu bu gün keçirəcək. Bakı vaxtı ilə saat 15.30-da start götürəcək oyunda millimizin rəqibi Belarus futzalçıları olacaq.