"Sabah" komandası Premyer Liqada yubiley qələbəsini qazandı

"Sabah" komandası futbol üzrə Azərbaycan Premyer Liqasında 20-ci ev qələbəsini qazanıb.

Teleqraf.com Peşəkar Futbol Liqasının rəsmi saytına istinadən xəbər verir ki, yubiley X turda "Zirə" ilə qarşılaşmaya təsadüf edib.

1:0 hesabı ilə qalib gələn meydan sahibləri 20-ci qələbəsini 57-ci oyununda əldə edib.

Bakı klubu öz meydanında ən azı 20 dəfə üç xal qazanan 32-ci komanda olub. Paytaxt təmsilçisi eyni sayda qələbə əldə edən “Səbail”lə “Bakılı”ya çatıb.

Qeyd edək ki, “Sabah” Premyer Liqadakı ilk ev qələbəsini 2018-ci il sentyabrın 16-da “Qəbələ” üzərində qazanıb – 1:0.