Ronaldu Portuqaliya azarkeşlərinə müraciət etdi

Kriştianu Ronaldu Portuqaliya millisinin azarkeşlərinə müraciət edib.

Teleqraf.com xəbər verir ki, o, portuqaliyalıları milliyə dəstək verməyə çağırıb.

“Bu komanda xarici qüvvələr tərəfindən parçalana bilməyəcək qədər möhkəmdir. Bu millət heç bir rəqibdən qorxmayacaq qədər cəsurdur. Xəyalları uğrunda sona qədər mübarizə aparacaq əsl komanda! Bizimlə birlikdə inanın! İrəli, Portuqaliya!”, – deyə yığmanın kapitanı sosial şəbəkə hesabında yazıb.

Qeyd edək ki, DÇ-2022-nin 1/4 finalında Portuqaliya Mərakeşlə qarşılaşacaq. Qarşılaşma şənbə günü, dekabrın 10-da baş tutacaq.