“Mançester Yunayted”dən ağlasığmaz təklif

Yayda transferlərə milyonlar xərcləyən “Mançester Yunayted” deyəsən, qışda da xəbər portallarını əyləndirəcək.

Publika.az xəbər verir ki, ötən mövsüm Qaret Beyl uğrunda transfer mübarizəsində “Real”a uduzan “Qırmızı şeytanlar” növbəti cəhdə hazırlaşır.

İspaniya saytlarından biri mankunianların uelsli futbolçuya görə 110 milyon avrodan artıq pul təklif etmək niyyətində olduğunun iddia edib. Bu isə yeni dünya rekordu ola bilər. Madrid klubu Qaretin keçidində 100 milyon avro xərcləmişdi.

Transfer baş tutsa, uelsli vinqer Mançesterdə həftəyə 300 min avro qazanacaq.

La Liqanın cari mövsümündə Beyl 12 oyunda meydanda olub, 7 qol və 3 məhsuldar ötürməylə yadda qalıb.