Ter Ştegen yeni rekorda imza atdı

"Barselona"nın qapıçısı Mark Ter Ştegen La Liqanın bir mövsümündə qapısından qol buraxmadığı oyunların sayına görə rekorda imza atıb.

Teleqraf.com xəbər verir ki, almaniyalı qolkiper İspaniya çempionatının 32-ci turunda "Betis"lə matçda (4:0) qapısından qol buraxmayıb. Ter Ştegen üçün bu oyun cari mövsümdə qapısını toxunulmaz saxladığı 24-cü olub ki, bu da Kataloniya klubunun qapıçıları arasında yeni rekorddu.

Daha əvvəlki rekord 2014/15 mövsümündə Klaudio Bravo tərəfindən təyin edilmişdi. O, həmin mövsüm 23 oyun qapısını toxunulmaz saxlamışdı.