Premyer Liqa: “Neftçi” – “Səbail” matçında qalib müəyyənləşmədi

Futbol üzrə Azərbaycan Premyer Liqasında II turun daha bir oyunu keçirilib.

Teleqraf.com xəbər verir ki, “Neftçi” öz meydanında “Səbail”lə qarşılaşıb.

“Neftçi Arena”da keçirilən matçda qalib müəyyənləşməyib - 1:1. Hesabı 34-cü dəqiqədə "Səbail"i heyətində Pedro Nuno açıb. 82-ci dəqiqədə Kenni Sayef penaltidən hesabı bərabərləşdirib. Bu nəticədən sonra bir xalla "Neftçi" səkkizinci, eyni zala malik "Səbail" doqquzuncudur.

Qeyd edək ki, turun əvvəlki oyunlarında “Araz-Naxçıvan” “Qəbələ”yə (2:0), “Zirə” “Kəpəz”ə (1:0), “Qarabağ” isə “Turan Tovuz”a (3:0) qalib gəlib. “Sumqayıt” - “Sabah” matçı isə təxirə salınıb.