Azərbaycan razılıq verdi: Türk dövlətləri arasında bu çempionat keçiriləcək

Ötən il Türkiyə Maytay Federasiyası (TMF) və Azərbaycan Maytay-tayboks Federasiyaları rəhbərləri arasında danışıqlara əsasən Türk Dövlətləri Maytay Çempionatının təşkil edilməsi ilə bağlı razılıq əldə olunub.

Teleqraf.com xəbər verir ki, ilk olaraq Azərbaycandan dəstək almaq üçün Türkiyə Gənclər və İdman Nazirliyinin baş katibi, TMF-in kuratoru Korkmaz Atalay, TMF-nın Mərkəz Yürütmə Kurulu başkanı Atakan İli Azərbaycan Maytay-tayboks federasiyasının qonağı olub, keçiriləcək çempionat barədə ön danışıqlar aparıblar.

Digər Türk dövlətləri maytay federasiyaları ilə də razılaşma olduqdan sonra təkliflər paketinin Türk dövlətləri İdman nazirliklərinə təqdim olunması planlaşdırılır.

TMF-dan verilən son məlumata əsasən, Türkiyə Gənclər və İdman nazirliyi, Türk Dövlətləri Maytay Çemiopnatınin 6-10 sentyabr 2024 -cü il tarixlərinə təyin edilməsini təsdiqləyib.