Siqaret çəkən gimnast Olimpiya yığmasından qovula bilər

Yaponiyalı gimnast Şoko Miyata siqaret çəkdiyinə görə olimpiya yığmasından qovulma təhlükəsi ilə üzləşib.

Teleqraf.com xəbər verir ki, bu barədə "Kyodo" məlumat yayıb.

Bildirilir ki, siqaret çəkmək milli komandanın davranış kodeksinin pozulmasıdır. Yaponiya Gimnastika Assosiasiyası hadisəni araşdırır və Miyatanı Monakodakı təlim-məşq toplanışından geri göndərə bilər. Gimnast iyulun 17-də keçirilən açıq məşqdə də iştirak etməyib.

19 yaşlı Miyata qadın idman gimnastikası üzrə Yaponiya yığmasının kapitanıdır. O, 2022-ci il Dünya Çempionatında bürünc qazanıb.