Konfrans Liqası: "Zirə" "DAK 1904"ü məğlub etdi - Yeni

UEFA Konfrans Liqasının II təsnifat mərhələsinin ilk oyunu çərçivəsində "Zirə" Slovakiyanın "DAK 1904" klubu ilə qarşılaşıb.

Teleqraf.com xəbər verir ki, "Dalğa Arena"da baş tutan matç meydan sahiblərinin 4:0 hesablı qələbəsi ilə yekunlaşıb.

Görüşdə hesabı 29-cu dəqiqədə Rafael Utziq açıb. 31-cu dəqiqədə Junior Martins fərqi iki topa çatdırıb. Qarşılaşmanın yekun nəticəsini isə 51 və 53 dəqiqələrdə fərqlənməklə dubl edən David Volkov müəyyənləşdirib.

Qeyd edək ki, " DAK 1904" və "Zirə" komandaları arasında cavab görüşü 1 həftə sonra Slovakiyada baş tutacaq.

***

UEFA Konfrans Liqasının II təsnifat mərhələsinin "Zirə" - "DAK 1904" (Slovakiya) matçı start götürüb.

Teleqraf.com xəbər verir ki, qarşılaşma "Dalğa Arena"da keçirilir.

Görüşü lüksemburqlu baş hakim İvo Torres idarə edir.

Konfrans Liqası, ilk oyunlar

25 iyul

20:30. "Zirə" (Azərbaycan) - "DAK 1904" (Slovakiya) - 2:0 (Birinci hissə)

Qol: Rafael Utziq, 29 (1:0), Junior Martins, 31 (2:0), David Volkov, 51 (3:0), David Volkov, 53 (4:0)