"Zirə" növbəti mərhələyə yüksəldi - Yeni

"Zirə" UEFA Konfrans Liqasının II təsnifat mərhələsində cavab oyununa çıxıb.

Teleqraf.com xəbər verir ki, Rəşad Sadıqovun baş məşqçisi olduğu kollektiv Slovakiyada "DAK-1904" klubu ilə üz-üzə gəlib.

Qarşılaşma Azərbaycan təmsilçisinin qələbəsi ilə bitib - 2:1. "Qartallar"ın qollarını 25-ci dəqiqədə Rafael Utziq, 57-ci dəqiqədə penaltidən Qismət Alıyev vurub. Meydan sahiblərindən Alexandro Mendez 40-cı dəqiqədə fərqlənib.

Bakıda rəqibini dörd cavabsız qolla üstələyən "Zirə" III təsnifat mərhələsinə vəsiqə qazanıb. Komanda bu raundda Xorvatiyanın "Osiyek" kollektivi ilə qarşılaşacaq.

Qeyd edək ki, Konfrans Liqasının III təsnifat mərhələsinin matçları avqustun 8-də və 15-də baş tutacaq.

***

"Zirə" bu gün Konfrans Liqasının 2-ci təsnifat mərhələsində cavab oyununu keçirəcək.

Teleqraf.com xəbər verir ki, paytaxt təmsilçisi Slovakiya "DAK 1904"ü ilə səfərdə qarşılaşacaq. "MOL Arena"da oynanılacaq görüş Bakı vaxtı ilə saat 22:30-da start götürəcək. Oyun Şimali Makedoniyadan olan referi Covan Kaçevskiyə tapşırılıb.

Bu komandalar arasında ilk görüşdə "Zirə" "DAK 1904"ə 4 cavabsız qol vurub.

"Zirə" Slovakiya klubunu keçərsə, 3-cü mərhələdə "Osiyek" (Xorvatiya) - "Levadia" (Estoniya) cütünün qalibi üz-üzə gələcək. Bu halda "Zirə"nin ilk oyunu səfərdə olacaq.

Konfrans Liqası, 2-ci təsnifat mərhələsi, cavab oyunları

22:30. "DAK 1904" (Slovakiya) - "Zirə" (Azərbaycan) - 1:2 (İkinci hissə)

Qollar: Rafael Utziq, 24 (1:0), Alexandro Mendez, 40 (1:1), Qismət Alıyev, 57-pen (1:2)

Qırmızı vərəqə: Romarik Yapi, 56 ("DAK 1904)

Hakimlər: Covan Kaçevski, Slaqyan Markoski, Branko Putilin, İvana Proykovska (Şimali Makedoniya)

"MOL Arena"

İlk oyun - 0:4.