Karles Puyol futbola qayıdır

İspaniya millisinin və “Barselona”nın canlı əfsanəsi Karles Puyol yenidən yaşıl meydanlara dönmək qərarına gəlib.

Qol.Az-ın xarici KİV-lərə istinadən yaydığı xəbərə görə, ötən mövsüm zədəsə səbəbindən karyerasını başa vuran 37 yaşlı futbolçu ABŞ və Qətər klublarının birindən çıxış edə bilər.

Puyolun Qətərin “Əl-Sədd” klubu ilə danışıqlar apardığı da bildirilir.

Qeyd edək ki, 1999-cu ildən "Barselona"nın şərəfini qoruyan Puyol ötən mövsümün sonunda karyerasını başa vurub.