Qaret Beylin əvəzinə Xese meydanda olacaq

"Real"ın hücumçusu Xese "Eybar"la görüşdə ilk dəqiqələrdən etibarən meydanda olacaq.

Teleqraf.com xəbər verir ki, bu barədə AS-ın xəbərinə görə, o, əsas heyətdə zədədən əziyyət çəkən Qaret Beyli əvəzləyəcək.

Xese sonuncu dəfə 2014-cü ilin 18 martında start 11-liyində meydana çıxmışdı.

Baş məşqçi Karlo Ancelotti gənc futbolçu haqqında bunları deyib:

"Xese start heyətində meydana çıxacaq və o, yaxşı oynamağa məcburdu. Xesenin zədəsinin təbiəti elədir ki, tam bərpa prosesi üçün bir ilə yaxın müddət gözləmək lazımdır, yoxsa təkrarlana bilər".

"Real" - "Eybar" matçı Bakı vaxtı ilə saat 19:00-da başlayacaq.

Rüstəm