Serxio Ramos: "Bu hadisə istənilən futbolçunun başına gələ bilər"

"Real"ın müdafiəçisi Serxio Ramos "Mançester Yunayted"in qapıçısı David De Xeanın Madrid klubuna keçidinin reallaşmamasına münasibət bildirib.

Teleqraf.com xəbər verir ki, bu barədə "Marca" məlumat yayıb. Təcrübəli müdafiəçi bunları dilə gətirib:

"Bizim iki güclü iki qapıçımız var (Keylor Navas və Kiko Kasilya – red.). Mən onların oyunundan razıyam.

De Xeanın məsələsi? Başqa klubların oyunçuları haqqında danışmaqla öz qapıçılarımıza hörmətsizlik etmiş olaram. "Betis"lə oyunda Keylor azarkeşlərin sevgisini hiss etdi.

Mən bu barədə De Xeayla danışmamışam və məsələnin niyə belə olduğunu bilmirəm, amma həyat davam edir, daha əhəmiyyətli şeylər var. De Xea indi öz səviyyəsini qorumaq üçün daha çox işləməlidi. Bu hadisə istənilən futbolçunun başına gələ bilər".

Rüstəm