Sneyder daha iki il "Qalatasaray"da

"Qalatasaray" aparıcı futbolçusu Uesli Senyderlə yeni müqavilə imzalayacaq.

Qol.Az-ın məlumatına görə, bu barədə klub prezidenti Dursun Özbək "Haber Türk" kanalında qatıldığı bir verilişdə açıqlama verib.

O, hollandiyalı yarımmüdafiəçi ilə iki illik müqavilə imzalayacaqlarını bildirib: "Sneyderlə şifahi razılıq əldə etmişik. Gələn həftə onun meneceri İstanbula gələcək və müqavilə imzalanacaq" - deyə Dursun Özbək qeyd edib.

Xatırladaq ki, Sneyder 2013-cü ildən "cim-bom"un şərəfini qoruyur. O, bu müddət ərzində İstanbul klubunun heyətində 71 oyuna çıxıb və 25 qol vurub.