Oleq Stepko: Azarkeşləri sevindirə bildiyim üçün çox xoşbəxtəm

Çıxışımdan məmnun qaldım. Ancaq bundan artığına da nail ola bilərdim. Favorit hesab olunmadığım növlərdə finala vəsiqə qazandım. İstərdim ki, həmin növlərdə də mükafatçılar sırasında yer alım. Yarışlar zamanı bəzi səhvlərim də oldu. Onları aradan qaldırmağa çalışacağam.

AZƏRTAC xəbər verir ki, bu sözləri Bakıda təşkil olunan idman gimnastikası üzrə Dünya Kuboku yarılarında 3 medal qazanan Azərbaycan atleti Oleq Stepko söyləyib.

Oleq Stepko deyib: "Üç növdə medal qazandım. Bu ölkəmizdə idmanın bu növünün inkişafından xəbər verir. Ən əsası azarkeşləri sevindirə bildim və Azərbaycanın himni səsləndirildi. Bunun üçün çox xoşbəxtəm".