Ağ Şəhər ərazisində metro stansiyası tikiləcək

Bakı Ağ Şəhər ərazisində metro stansiyası tikiləcək.

Bakı Metropoliteninin Perspektiv İnkişaf Planına əsasən metropolitenin mövcud Yaşıl xəttinin (“Şah İsmayıl Xətai” – “Dərnəgül” stansiyalarını birləşdirən) genişlənməsi gözlənilir.

“Bakı Ağ Şəhər” layihəsinin mətbuat xidmətindən Teleqraf.com-a verilən məlumata görə, “Şah İsmayıl Xətai” stansiyasından tikilməkdə olan “Həzi Aslanov 2” stansiyasına qədər Nobel prospekti boyunca 3 yeni stansiya tikiləcək.

Stansiyaların şərti adları Y-14, Y-15, Y-16-dır. Bu stansiyalardan biri “Bakı Ağ Şəhər” layihəsinin ərazisində planlaşdırılıb.

Hazırda Neft Emalı Zavodunun qarşısında Y-15 stansiyasında tunel qazma maşınları üçün start kamerası hazırlanır.

Yaşıl xəttə əlavə olunan stansiyalar bu xətti dairəvi edəcək.