Əmtəə qiymətlərindəki artım bu il də davam edəcək

Qlobal ərzaq qiymətləri 2021-ci ildə 28,1 faiz artımla son 10 ilin ən yüksək səviyyəsinə çatıb. Kənd təsərrüfatı məhsullarının qiymətlərindəki artımın bu il də davam edəcəyi təxmin edilir.

Teleqraf.com xəbər verir ki, məlumat, Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) hesabatında öz əksini tapıb.

Qeyd olunur ki, ərzaq malları səbətinin beynəlxalq qiymətlərindəki dəyişiklikləri izləyən ərzaq qiymətləri indeksinin ötən ilki orta göstəricisi 125,7 bənd təşkil edib. Keçən il taxıl qiyməti indeksinin orta göstəricisi illik 27,2 faiz artımla 2012-ci ildən bu yana ən yüksək səviyyəyə çatarkən, bitki yağı qiyməti indeksinin eyni dövrdə 65,8 faiz artımla bütün zamanların ən yüksək səviyyəsinə çatıb.

Mütəxəssislər yüksək nəqliyyat xərcləri, enerji və gübrə qiymətlərinin artması və bir çox ölkələrdə işçi qüvvəsi çatışmazlığı səbəbindən 2022-ci ildə ərzaq qiymətlərinin 5 və ya 10 illik orta səviyyəyə qayıtmasını çətin hesab edirlər