Azərbaycanla Türkmənistan arasında müzakirə - Bu ölkənin...

Azərbaycan Türkmənistanla ikitərəfli ticarət dövriyyəsinin artırılmasını müzakirə edib.

Teleqraf.com xəbər verir ki, bu barədə Azərbaycan iqtisadiyyat naziri Mikayıl Cabbarov "X.com" sosial şəbəkəsindəki hesabında yazıb.

"Türkmənistana səfərimiz çərçivəsində həmkarlarla birlikdə bu ölkənin Nazirlər Kabineti sədrinin müavini, Azərbaycan-Türkmənistan Birgə Hökumətlərarası Komissiyasının həmsədri Batır Atdayev ilə Komissiyanın növbəti iclasının keçirilməsi, işgüzar dairələr arasında əlaqələrin genişləndirilməsi sahəsində əməkdaşlığın inkişafı imkanlarını nəzərdən keçirdik", - nazir qeyd edib.