İqtisadiyyata kredit qoyuluşu artıb

2015-ci ilin fevralın 1-nə olan məlumata görə, ölkə üzrə kredit qoyuluşu 2014-cü ilin dekabr ayı ilə müqayisədə 37,2 milyon manat və ya 0,2% artaraq 18 milyard 579,8 milyon manat təşkil edib.

Bu barədə Teleqraf.com-a Mərkəzi Bankdan məlumat verilib.

Qeyd edək ki, özəl bankların kredit qoyuluşu 244,6 milyon manat azalaraq, 11 milyard 629 milyon manat olub. Azalma isə xarici kapitala malik olmayan yerli bankların hesabına baş verib.