7 May 2015 15:07
650

Azərbaycan qazını Gürcüstan və Türkiyə ərazisi ilə Avropaya çatdıracaq "Cənub Qaz Dəhlizi"nin tikintisi qabaqlayıcı templə aparılır. Trend-in məlumatına görə, bunu energetika naziri Natiq Əliyev "Sputnik" nəşrinə deyib.

Onun sözlərinə əsasən, tikinti 2019-cu ildə başa çatacaq: "Məqsədimiz əlavə 6 milyard kubmetri Türkiyəyə və 2020-ci ildə isə 10 milyard kubmetri Avropaya tədarük etməkdir.

Nazir qeyd edib ki, boru kəməri Avropa üçün alternativ qaz mənbəyi olacaq: "Qaz həcmimizi Aİ-nin aldığı Rusiya qazının həcmləri ilə müqayisə etmək olmaz. Aİ enerji resurslarının idxalını şaxələndirməyə, Rusiya qazından asılılığı azaltmağa çalışır. Rusiya qazı Avropanın ümumi istehlakının üçdə birini təşkil edir".


Müəllif: