İdman ayaqqabısından narkotik çıxdı

Azərbaycan vətəndaşı piyada yolla İrandan Azərbaycana gələrkən Astara Gömrük İdarəsinin sərnişin şöbəsində gömrük nəzarəti zamanı hərəkətləri şübhə doğurduğuna görə saxlanılıb.

Dövlət Gömrük Komitəsindən Teleqraf.com-a verilən məlumata görə, qüvvədə olan qanunvericiliyin tələblərinə uyğun olaraq onun üzərində şəxsi yoxlama aparılıb.

Yoxlama nəticəsində vətəndaşın üzərindən–sağ və sol ayağına geydiyi idman ayaqqabısının içərisindən, gömrük nəzarətindən gizlədilmiş şəkildə iki bağlama və bir bükümdə, ümumi xalis çəkisi 149.030 qram narkotik vasitə- heroin aşkar olunaraq götürülüb.

Faktla bağlı araşdırma aparılır.

İlhamə ƏBÜLFƏT