Avqustun 15-dək 40 dərəcə isti olacaq - XƏBƏRDARLIQ

"Azərbaycanda isti hava şəraiti davam edəcək".

Teleqraf.com xəbər verir ki, Ekologiya və Təbii Sərvətlər Nazirliyinin Milli Hidrometeorologiya Departamenti ölkə ərazisində isti hava şəraiti davam edəcəyi ilə bağlı xəbərdarlıq edib.

Bakıda və Abşeron yarımadasında avqustun 15-dək anomal isti hava şəraitinin davam edəcəyi, maksimal temperaturun 35-39, bəzi günlərdə 41 dərəcə isti olacağı gözlənilir.

Rayonlarda avqustun 15-dək havanın maksimal temperaturu 35-40, Naxçıvan MR-da və Mərkəzi-Aran rayonlarının bəzi yerlərində 43, dağlıq rayonlarda 29-34 dərəcə isti olacaq.

Nazirlik tibbi-meteoroloji vəziyyətlə də bağlı xəbərdarlıq edib. Yaxın 3 gün ərzində Abşeron yarımadasında gözlənilən güclü isti temperatur, diskomfort şərait əksər əhali üçün əlverişsiz, meteohəssas insanlar üçün isə çox əlverişsizdir. Uzun müddət açıq havada olmaq məsləhət deyil.

İlhamə ƏBÜLFƏT