30 İyul 2017 00:27
1 759

İstanbulda yaşayan bir qadın beli ağrıyan anası üçün televiziyada reklam edilən ağrıkəsici krem sifariş verib. Amma ona ağrıkəsici yox, cinsi ehtirası artıran dərman göndəriblər.

Teleqraf.com-un məlumatına görə, Zeynəb İ. adlı qadın bununla bağlı prokurorluğa şikayət edib.

Üç qutunu 100 lirəyə alan müştərinin sonradan şübhələri ortaya çıxıb. Qadın qutuları tanış aptekə göstərdikdə əczaçı bunun cinsi istək artıran dərman olduğunu deyib.

Şirkətə telefonla müraciət edən Zeynəb İ. qəribə cavab alıb: “Mənə dedilər ki, bu, həm ağrıkəsicidir, həm də cinsi həvəsi gücləndirir. Yavaş-yavaş dərmana alışdıqca zövq alacaqsan”.

Qadın dərman firmasının cəzalandırılmasını istəyir: “Onlar məni təhqir etdilər”.


Müəllif: Şəfiqə