Müşfiq Şahverdiyev türk filminə çəkilir

Aktyor Müşfiq Şahverdiyev tanınmış türkiyəli və azərbaycanlı aktyorların rol aldığı yeni filmə çəkilir.

Teleqraf.com xəbər verir ki, aktyor yeni layihəsində türkiyəli aktyor Ufuk Özkanla baş rolu paylaşacaq. Müşfiq bu barədə özü məlumat verib:

“Bir filmi bitirib yenisinə başladıq. Yeni uğura imza atmaqdan zövq alıram. Bu dəfə “Artlemma Film” türk-azərbaycanlı kino adamlarını bir araya gətirib. Möhtəşəm film çəkilişinə start verildi. Baş rolu bölüşdüyüm Ufuk Özkanla birgə uğurlu bir iş ərsəyə gətirəcəyimizə inanırıq”.
Qeyd edək ki, Ufuk Özkan "Geniş ailə", "Həyat bəzən şirindir" kimi seriallardan tanınır.