AZAL sərnişinlərə xəbərdarlıq etdi

AZAL aviabiletləri yalnız aviaşirkətin etibarlı tərəfdaşlarından almağa çağırır.

Şirkətin mətbuat xidmətindən Teleqraf.com-a verilən məlumata görə, son vaxtlar "Azərbaycan Hava Yolları" aviaşirkəti tərəfindən aviabiletlərin oğurlanmış kredit kartı ilə satışı cəhdləri qeydə alınıb və bunun qarşısı alınıb.

Fırıldaqçılar müştərilərə endirim adı altında sövdələşmə təklif etmiş, sonra oğurlanmış kartlar vasitəsilə aviaşirkətin aviabiletlərini almışdırlar. Sərnişinləri aviabiletləri yalnız aviaşirkətin etibarlı rəsmi tərəfdaşlardan və ya aviaşirkətin rəsmi internet saytından almağa çağırır.