Rəqs edən 1000 robot rekord qırdı - Video

Ginnesin Rekordlar Kitabı daha bir yeniliyi təsdiq edib.

Teleqraf.com xəbər verir ki, "WL Intelligent Tech" tərəfindən hazırlanmış Dobby humanoid robotlarının mükafat qazanan rəqs performansı dünyada maraqla qarşılanıb. Sinxron olaraq rəqs edən min robot, ortaya qoyduqları performansla Ginnesin Rekordlar kitabına düşə bilib.

45 santimetrlik robotlar rəqsi mükəmməl şəkildə başa vurublar. Robotlar təxminən 250 dollar dəyərindədir. Robotların daha bir üstünlüyü asanlıqla ayağa qalxa bilməkləridir. Məhsulun batareya müddəti 40 dəqiqədir. Bundan əlavə, robotlar kung fu və yoqa hərəkətlərini də yerinə yetirə bilir.