Feysbukdan daha bir yenilik

"Facebook" şirkəti yeni "Messenger Kids" proqramını istifadəyə verib. Yeni əlavə validenylərə uşaqların kiminlə ünsiyyət qurmasına nəzarət etmək imkanı yaradır.

Teleqraf.com xəbər verir ki, bu barədə sosial şəbəkənin saytında dərc edilmiş məlumatda deyilir.

"Bu gün təqdim etdiyimiz əlavə vasitəsi ilə uşaqlar təhlükəsiz şəkildə öz ailələri və dostları ilə ünsiyyət qura biləcək", - şirkətin məlumatında qeyd olunur.

"Messenger Kids" proqramı valideynlərin akkauntu vasitəsilə nəzarət olunur və beləliklə uşaqlar yalnız valideynlər tərəfindən təsdiq edilmiş şəxslərlə əlaqə qura biləcək.

Yeni əlavədə reklam yerləşdirilməyəcək.