Aydın Əliyev Xızıda vətəndaşları qəbul etdi - Foto

Dövlət Gömrük Komitəsinin (DGK) sədri Aydın Əliyev bu gün Xızı şəhərindəki Heydər Əliyev Mərkəzində bu bölgədən olan vətəndaşları qəbul edib.

Teleqraf.com xəbər verir ki, qəbul zamanı bölgədə yerləşən - Xızı, Sumqayıt, Abşeron, Qobustan rayonlarının sakinlərinin müraciətləri dinlənilib.

Qəbula gələn vətəndaşların müraciətləri əsasən işə qəbul, malların idxal və ixracı, bununla əlaqədar sənədləşmə qaydaları və digər gömrük məsələləri olub. Qəbul zamanı DGK sədri hər bir vətəndaşın müraciətlərini diqqətlə dinləyib və qaldırılan məsələlərin qanunvericiliyə uyğun həlli barədə müvafiq strukturların rəhbərlərinə tapşırıqlarını verib.

Vətəndaşların qəbul zamanı qaldırdıqları məsələlərin bir qismi yerindəcə həll olunub. DGK-nın səlahiyyətlərinə aid olmayan məsələlərlə bağlı müraciətlər isə müvafiq orqanlara çatdırılmaq üçün qeydiyyata alınıb və nəzarətə götürülüb.