KİV-ə diqqət xarici müdaxilələrin qarşısını alır - MŞ sədri

Azərbaycan dövlətinin inkişafına mane olmağa çalışan bəzi xarici təşkilatlar olsa da, KİV-ə xüsusi diqqət belə müdaxilələrin qarşısını alır.

Teleqraf.com xəbər verir ki, bu barədə "İnformasiya cəmiyyətində müəlliflik və digər əqli mülkiyyət hüquqlarının mədəni, iqtisadi və hüquqi əhəmiyyəti" tədbirində Mətbuat Şurasının sədri, millət vəkili Əflatun Amaşov deyib.

Onun sözlərinə görə, ölkədə bütün sahələrdə olduğu kimi KİV-də də müəllif hüquqlaı qorunur: "Jurnalistlər də bilirlər ki, dəyərli orijinal yazılar, özündə hərtərəfli informasiyanı əks eləyən məqalələr həmişə qiymətləndirilib və bundan sonra da qiymətləndiriləcək".