Erməni məmurun pensiya iddiasına nazirlikdən – Cavab

Əmək və Əhalinin Sosial Müdafiəsi Nazirliyi Ermənistanda pensiya səviyyəsinin Gürcüstan və Azərbaycandan yüksək olması barədə səsləndirilən fikirə münasibət bildirilib.

Teleqraf.com xəbər verir ki, Əmək və Əhalinin Sosial Müdafiəsi Nazirliyi (ƏƏSMN) İctimaiyyətlə əlaqələr şöbəsinin müdiri Elman Babayevin sözlərinə görə, səsləndirilən fikirlər mənasız cəhdlərdir: “Ermənistan Mərkəzi Bankının rəhbərinin Ermənistanda pensiyaların səviyyəsinin Gürcüstan və Azərbaycandan yüksək olması barədə səsləndirdiyi fikir reallıqdan uzaq olmaqla, bütün sahələrdə dərin böhran içində olan Ermənistanda getdikcə daha da pisləşən sosial vəziyyət barədə heç bir əsas olmadan müsbət rəy yaratmağa yönələn mənasız cəhddən başqa bir şey deyil”.

Elman Babayev qeyd edib ki, deyilən məsələni aydın şəkildə görmək üçün Moskvada yerləşən Beynəlxalq Pensiya və Sosial Fondlar Assosiasiyasının MDB ölkələri üzrə 2017-ci ilə dair pensiyaların orta aylıq məbləği ilə bağlı açıqladığı göstəricilərə diqqət yetirmək kifayətdir.