Qaçırılan şagirdin bacısı: “İndi də psixoloqa apardılar...”

Bacımı dünən günorta Dəliməmmədli şəhərində tapmışıq.

Bu sözləri Teleqraf.com-a açıqlamasında Gədəbəyin Arıqdam kəndində qaçırılan 14 yaşlı Səbinə İsgəndərovanın bacısı deyib.

Onun sözlərinə görə, qızı qaçıran Əli Qurbanov ortalıqda yoxdur, qaçıb gizlənib: “Onu polis axtarır. Bacımın yerini onu qaçırmağa kömək edən uşaqlar dedi. Getdik, bacımı gətirdik. Qaçıranlar bacımı ikinci mərtəbədən özün atmaq istəyəndə tutub, üzünə, başına vurublar. İndi də psixoloqa apardılar”.

Qeyd edək ki, Gədəbəyin Arıqdam kənd sakini 8-ci sinif şagirdi 14 yaşlı Səbinə İsgəndərova martın 27-də günorta saatlarında dərsdən evə qayıdarkən 3 nəfər oğlan tərəfindən "Niva" markalı avtomobilə oturdularaq qaçırılıb. Anası Mətanət İsgəndərovanın dediyinə görə, Səbinəni Əli Qurbanov adlı 19 yaşlarında olan həmkəndlisi zorla qaçırıb, bu işdə onun dostları Vüqar Sadıqov və Elyar Sadıqov da yaxından iştirak ediblər.