Universitet və kolleclərə əlavə yerləşdirmə yekunlaşır

Avqustun 20-dək isə magistraturalara qəbul aparılacaq

Ali təhsil müəssisələrinin boş qalan plan yerlərinə və tam orta təhsil bazasında (11 illik) orta ixtisas təhsili müəssisələrinə qəbul olmaq üçün tələb olunan müsabiqə şərtini ödəyən abituriyentlərin ixtisas seçimi başa çatıb.
Qeyd edək ki, universitet və kolleclərə əlavə yerləşdirilməyə avqustun 8-dən başlanmışdı.

Teleqraf.com-un Tələbə Qəbulu üzrə Dövlət Komissiyasından aldığı məlumata görə, hazırkı nəticələrə görə, 9156 abituriyent qəbul olmaq istədiyi ixtisasları seçərək öz elektron ərizəsinə daxil edib təsdiqləyib.

İxtisas seçiminin yekun nəticələrinə dair ilkin məlumatlarTQDK-nın facebook səhifəsində veriləcək.
Onu da bildirək avqustun 13-dən 20-dək magistraturalarda boş qalan yerlərə əlavə yerləşdirilmə aparılacaq.

SEVİL