Baş məşqçini rüşvətdə ittiham edən idmançı üzr istədi - Video

Sərbəst güləş üzrə yığmanın baş məşqçisi Firdovsi Umudovu ondan rüşvət tələb etməkdə ittiham edən idmançı Elçin Mürşüdov baş məşqçi ilə bağlı daha bir video yayıb.

Axar.az xəbər verir ki, E.Mürşüdov baş məşqçi ilə bağlı səsləndirdiyi fikirlərin yanlış olduğunu bildirərək, ondan və güləşçilərdən üzr istədiyini bildirib.

Xatırladaq ki, Elçin Mürşüdov yaxınlarda yerli internet televiziyalarından birinə verdiyi müsahibəsində sərbəst güləş üzrə baş məşqçi Firdovsi Umudovun ondan yığmaya alınması qarşılığında 4500 manat istədiyini demişdi.