16 Mart 2019 01:53
488
12 Punto 14 Punto 16 Punto 18 Punto

Teleqraf.com dünyanın nüfuzlu ulduz falı portalları "Horoscope" və "Astrology"yə istinadən bu günün qoroskopunu təqdim edir.

Qoç - çalışdığınız kollektivdə səbrli və təmkinli davranın. Yaşananlara real baxın. Maraqlarınız yaxın ətrafınızdakı insanların mənafeləri ilə kəskin ziddiyyət təşkil etməməlidir. İllüziyalardan qurtulun.

Günün ikinci yarısında intuisiyanız sizə yaxın gələcəkdəki olayların axarı ilə bağlı dürüst mövqe seçməyə imkan verəcək. Görüşlər, xəbərlər, müzakirələr məzmunlu olmalıdır. Ümumi planları nəzərdən keçirin. Dəyişikliklər və yenilikliklərə praqmat yanaşın.

Mövcud problemləri dəyərləndirəndə hisslərə qapılmayın. Saxtakarlıq təmaslardakı uçurumu aradan qaldıra bilməz. Elə indi işə başlayın.

Buğa - diqqət mərkəzində olsanız da, özünüzü normal hiss etmək üçün nəyinsə çatışmadığını hiss edəcəksiniz. Nisgilə qapılaraq ötənlərdəki hadisələrin önəmini olduğundan artıq dəyərləndirməyin.

Yazışmalarda, hesabatlarda diqqətli olun. Sizi narahat edə biləcək məlumat ala bilərsiniz. Əhvalınız pisləşməməlidir. Məqsədə doğru irəliləmək üçün bu gün geriyə bir addım atmaq olar.

Axşam saatları yazışmalar, zənglər, səfər üçün əlverişlidir. Sevdiyiniz insanı unutmayın. Vaxtınızı şən və mənalı keçirin.

Əkizlər - perspektivlərinizi yaxşılaşdırmaq, fəaliyyət müstəvisini genişləndirmək üçün gərəkli addımları atın. Ambisioz, uzunmüddətli planlar qurmaq olar. Özünü sınayın, risk edin. Yaradıcılıqla məşğul olun.

Günün ikinci yarısında yeni məlumatlar alacaqsınız. Həmkarlar və tərəfdaşlarla əlaqələr, şəriklə təmaslara yenidən nəzər salın.

Məşğul olacağınız yeni işlərlə mümkün qədər çox məlumat əldə edin. Təhsil, bilik və peşəkar məziyyətlərin səviyyəsini artırın. Nə istədiyinizi dəqiqləşdirin.

Xərçəng - baş verən hadisələri təhlil edin. Formalaşmaqda olan təmayüllərin məzmununu anlayın, mahiyyətini dərk edin. Başladığınız işin perspektivlərini görün.

Hisslərlə emosiyaların zahiri izharı daxili tələbatınıza cavab verməyəcək. Həmsöhbətinizə maraqlı olmayan məsələ ilə bağlı iradlarınızı təkrarlamayın.

Günün ikinci yarısında yaşam tonusunuzun səviyyəsini minimuma endirməyin. Aktual problemlərin həllinə başlayın, ikinci dərəcəli məsələlərə sonra da baxmaq olar. Səhhətinizə fikir verin. Diqqətli olun.

Şir - ən çətin problemləri çözmək mümkündür. Yaradıcı ideyalarınız az olmasa da, onların əksəriyyəti praktik deyil. Xəyallara aldanmayın, illüziyalara qapılmayın. Reallıq hissini itirməyin.

Günün ikinci yarısında məqsədləri konkretləşdirin, irəliyə hərəkətə can atın. Potensial tərəfdaşlarınıza yeni təklifinizi anladın.

Axşam saatlarını ailənizlə birlikdə keçirin.

Qız - fəaliyyət sahəsində yeniliklər ola bilər. Situasiyalara kəskin və ən başlıcası süni müdaxilə etməyin. Yaşam sizi nədənsə imtinaya vadar edir. Maraqlanmadığınız, rutin işlərlə məşğul olmaq zərurəti yaranır.

Karyeranızın stabilliyi həmkarlarla münasibətlərdən asılıdır. Çox danışıb az iş görən insanlara qoşulmayın.

Günün ikinci yarısında yaxın gələcəklə bağlı perspektivləri, problemin həll yollarını müzakirə etmək olar. Cari işlərin mümkün qədər tez başa çatdırılmasının asılı olduğu insansınız. Aktiv davranın.

Tərəzi - niyyətlərinizin yanlış anlaşılmasına səbəb ola biləcək addımlar atmayın. Bəzi planları həyata keçirmək çətindir. Hiyləgərlik etməyin, saxtakarlığa əl atmayın. Yaşam enerjinizin səviyyəsi yüksəkdir. Daşınmaz əmlak və ya maliyyə məsələləri ilə məşğul ola bilərsiniz.

Günün ikinci yarısında mövcud problemləri yaxınlarınızla müzakirə edin. Saatlar keçdikcə situasiya gərginləşəcək. Qarşılıqlı anlaşmaya nail olmaq asan deyil.

Səbrli olun.

Əqrəb - energetik baxımdan kasad gündür. Motivasiyanız yüksək səviyyədə olmalıdır. Fəqət, həddən ziyadə çalışaraq özünüzü ifrat dərəcədə yormayın. Cari durumda işlərinizin uğur rəhni özünüzə əmin davranışdır.

Mühüm məqamları nəzərdən qaçırmayın.

Günün ikinci yarısında işlərdən laübəli narazılıq problemin mahiyyətinin aydın anlamına çevrilməlidir.

Neqativ emosiyalara uymadan münaqişələri nizamlayın. Sizi maraqlandıran təmaslarda rezonans və qarşılıqlı anlaşma olacaq.

Oxatan - biliklərlə bacarıqlarınızı artırın, fəal olun. Həmkarlarınız və tərəfdaşlarınız sizi yeni layihəyə, fərqli işə cəlb edəcəklər. Ailə üzvləriniz sizdən daha aktiv fəaliyyət gözləyirlər.

Günün ikinci yarısı yaxın gələcəklə bağlı perspektivləri müəyyənləşdirmək olar.

Asan qazanc imkanlarına aldanmayın. Haram pul halalı da aparar. Bacarmadığınız işin qulpundan yapışsanız, məsxərə obyektinə çevrilə bilərsiniz.

Axşam saatları şəxsi yaradıcılıq üçün əlverişlidir. Dostlarla ünsiyyət, səfər, görüş istisna deyil. Xərcləriniz çox olmasın.

Oğlaq - cari işlərdə yenilənmələrə ehtiyac var. Situasiyanı dəyərləndirin, çətin həllərin asan yollarını aramağa çalışın. Yaşamın tələblərini qulaqardına vurmayın. Yaxın ətrafınızdakı insanlardan biri ilə münasibətləri dəyişmək zamanıdır.

Təmkinli və səbrli olun, amma cəsarətli davranın.

Günün ikinci yarısı sürprizlər vəd edir. İmpuls və siqnallara fikir verin. Dəyər verdiyiniz insanların mövqelərini nəzərə alın. Daha ciddi işlərlə məşğul ola bilərsiniz.

Axşam saatlarında önəmli məsələ ilə bağlı qərar qəbul etməlisiniz. Tərəddüd etməyin. Hadisələrin axarında ciddi dəyişikliklər olacaq.

Dolça - eyni vaxtda çox işə başlamayın. Rəqiblərin manevrlərini əvvəlcədən təxminləyin, onları üstələməyin yollarını arayın.

Diqqət mərkəzində olacaqsınız. Nədənsə imtina etmək, nə iləsə vidalaşmaq zamanıdır. Etibar etdiyiniz insanlarla çalışa bilərsiniz.

Günün ikinci yarısında bəzi ümidlər və illüziyalardan qurtulmaq lazımdır. Gərəkli əlaqələri intensivləşdirin, təmasları aktuallaşdırın. Ümumi plandakı məsələlərdə irəliləyiş ola bilər. İmicdə yeniliklər etmək olar.

Axşam saatlarında məqsədiniz üçün optimal variantı seçin.

Balıqlar - günün ilk yarısında yaşam tonusunuzun səviyyəsi aşağı olacaq. Situasiya sizdən seçim tələb edir. Həddən artıq aktiv olmayın, özünüzü yormayın. Mühüm qərar qəbul etməzdən əvvəl yaxşıca düşünün.

Günün ikinci yarısında ilk baxışdan cazibədar təsir bağışlayan təkliflərə aldanmayın. Şübhəli mənbələrə etibar etməyin. İşgüzar danışıqlar və yazışmalar üçün pis vaxt deyil. Təfərrüatları dəqiqləşdirin.

Bütün borcları qaytarın, yaxınlarınızın təkliflərini və xahişlərini yerinə yetirin. Zərərli vərdişlərdən birini unutmaq olar.

Milli.Az


Müəllif: Teleqraf.com