13 İyun 16:04

Avqustun 1-dən "Yanardağ" Dövlət Tarix-Mədəniyyət və Təbiət qoruğu fərqli qiymətlərlə xidmət göstərəcək.

Publika.az xəbər verir ki, bunu jurnalistlərə açıqlamasında Dövlət Turizm Agentliyinin sədri Fuad Nağıyev deyib.

O bildirib ki, əgər turizm şirkətləri öncədən müqavilə bağlayıblarsa və bununla bağlı sübutları varsa, onlara köhnə qiymətlər tətbiq ediləcək: "Xarici vətəndaşlar üçün giriş 9, yerli turistlər üçün qiymət 2 manat, xüsusi olaraq tələbələr üçün 1 manat, məktəblilər üçün isə pulsuzdur".

Hazırda isə əcnəbi turistlər də qoruğa yerli əhali kimi 2 manat ödəyərək daxil ola bilər.

F.Nağıyev deyib ki, hazırda "Yanardağ"a çoxlu turist gəlir: "Gün ərzində 500-700 əcnəbi turist gəlir və hazırda da dinamika müşahidə edilir. Yerli əhali də bura gəlməyə maraqlıdır".


Müəllif: Teleqraf.com