28 Fevral 2020 18:12
800
12 Punto 14 Punto 16 Punto 18 Punto

“1997-ci il təvəllüdlü Rusiya vətəndaşı yüksək hərarətlə xüsusi karantin mərkəzinə aparılıb və lazımi analizlər götürülüb. Nəticədə həmin şəxsin koronavirusa yoluxduğu müəyyənləşib. Hazırda vəziyyəti stabildir”.

Teleqraf.com xəbər verir ki, bunu TƏBİB-in şöbə müdiri Yaqut Qarayeva Nazirlər Kabineti yanında operativ qərargahın koronavirusla bağlı keçirdiyi brifinqdə çıxışı zamanı deyib.

Onun sözlərinə görə, sərhəd keçid məntəqələrində iki mərhələli yoxlamalar mövcuddur.

Y.Qarayeva qeyd edib ki, bütün xəstəxanalarda işçilər qoruyucu vasitələrlə təmin olunub:

"Bütün ehtiyac olan dərmanlarla xəstəxanalar təmin olunub. Qobustan, Astara və Cəlilabad rayon xəstəxanaları, dəstək olaraq Biləsuvar, Masallı və Bakıda 1 saylı Kliniki Tibbi Mərkəz, Elmi-Tədqiqat Ağciyər Xəstəlikləri İnstitutu və 7 saylı Uşaq xəstəxanası ayrılıb".


Müəllif: Aysel Azad