TƏBİB rəsmisi etiraf etdi: "Bəzi çatışmazlıqlar var idi"

Bir neçə gündür “E-TƏBİB” mobil tətbiqindən istifadə olunur və vətəndaşlara testin nəticəsi bu tətbiq vasitəsilə çatdırılır.

Teleqraf.com xəbər verir ki, bunu TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bugünkü brifinqində deyib:

"Artıq testin nəticələri SMS vasitəsilə deyil, bu mobil tətbiqi vasitəsilə çatdırılacaq. Bəzi çatışmazlıqlar baş vermişdi və bu hallar aradan qaldırılıb. Belə vətəndaşlar "8113" qaynar xətti ilə əlaqə saxlaya bilərlər".