Tədris saatlarının azaldılması maaşlara təsir edəcəkmi? - Nazir

Tədris saatlarının azaldılması müəllimlərin əmək haqlarına təsir etməyəcək.

Teleqraf.com xəbər verir ki, bunu Təhsil naziri Emin Əmirullayev bu gün keçirdiyi brifinqdə deyib.

Təhsil naziri əlavə edib ki, rayonlara gediş-gəliş açılmadığı halda valideynlər övladlarını yaşadıqları yerdə məktəbə göndərə bilərlər: "Eyni zamanda onlar distant təhsildən yararlana bilərlər. Bütün regionlarımızda tədris müəssisələri var".

Nazir qeyd edib ki, özəl təhsil müəssisələrinin fəaliyyəti ilə bağlı müzakirələr aparılır: "Onlar təhsil alan xarici vətəndaşların ölkəyə gəlməsi üçün müraciət edə bilərlər".