BDU-nun müəllimi vəfat etdi - Foto

Bakı Dövlət Universitetinin (BDU) İqtisadi nəzəriyyə kafedrasının dosenti Qarayev Fərhad Mirzəağa oğlu vəfat edib.

Teleqraf.com xəbər verir ki, Fərhad Qarayev 68 yaşında dünyasını dəyişib.

O, 1952-ci ildə Sabirabad rayonu Qaragünə kəndində anadan olub. 1960-1970-ci illərdə Şirvan şəhərinin 2 saylı orta məktəbundə təhsil alıb.

1972-1977-ci illərdə D.Bünyatzadə adına Azərbaycan Xalq Təsərrüfatı İnstitutunun Ümumi İqtisad fakultəsini siyasi iqtisad ixtisası üzrə təhsil alıb.

39 elmi məqalənin, o cümlədən, 2 metodik vəsait və 6 proqramın, eyni zamanda kütləvi informasiya vasitələrində 200-dən artıq məqalənin müəllifi olub.

ABŞ-ın Vaşinqton, Misirin Qahirə, Belarusun Minsk şəhərlərində müxtəlif konfranslarda, treninqlərdə çıxış edib, sertifikatlar alıb.

Bir sıra elmi əsərlərin müəllifi olan Fərhad Qarayev eyni zamanda reklam fəaliyyəti və sığorta sistemi ilə məşğul olub.

“Rusca-Azərbaycanca siyasət iqtisad terminlər sözlüyü” kitabının müəllifi olub, 2000-2001-ci illərdə Almaniyanın Fridrix Nauman fondu xətti ilə “Korrupsiyanın iqtisadı problemləri” mövzusunda Azərbaycan Respublikasının 9 şəhər və rayonlarında mühafizələrlə çıxış edib.