“Epidemiya son mərhələdə ola bilər” – Stefan Bansel

"COVID-19 epidemiyasının sona çatması ilə bağlı fərziyyə ağlabatan ssenaridir”.

Teleqraf.com xəbər verir ki, bunu ABŞ-ın “Moderna” əczaçılıq şirkətinin baş direktoru Stefan Bansel deyib.

O bildirib ki, omikronun təkamül ehtimalı 80 faizdir: "Getdikcə daha az ölümcül virus görəcəyik. 20 faizlik ehtimal olan bir ssenaridə omikrondan daha ölümcül bir virusun ortaya çıxmasıdır. Bu virus qrip kimi əbədi olaraq bizimlə qalacaq və biz onunla yaşamağı öyrənəcəyik".

Ümumdünya Səhiyyə Təşkilatının məlumatına görə, son 7 gündə dünyada 15,47 milyon yeni yoluxma qeydə alınıb, bu müddətdə 73 min 162 nəfər ölüb.