23 May 11:04
584
12 Punto 14 Punto 16 Punto 18 Punto

Sosial mediada Azərbaycan Milli Elmlər Akademiyasının (AMEA) Arxeologiya, Etnoqrafiya və Antropologiya İnstitutunun baş direktoru Abbas Seyidovla həmin institutun icraçı direktoru Zaur Həsənov arasında qalmaqal yaşandığı xəbəri yayılıb. Məlumata görə, mübahisə zamanı Abbas Seyidov Zaur Həsənovu zor gücü ilə kabinetindən qovub və tərəflər bir-birinə qarşı təhqir və ağır ittihamlar səsləndirib.

Teleqraf.com məsələ ilə bağlı AMEA-nın mətbuat xidməti ilə əlaqə saxlayıb.

Akademiyanın mətbuat katibi Azadə Balayeva sorğumuza cavab olaraq bildirib ki, hadisədən məlumatsızdır:

"İnanmıram, belə hir hadisə baş versin. Müzakirə nəticəsində mübahisə baş verə bilər və bu, normal haldır. Alim insanlardır, ali savadlı şəxslərdir, onlar kobud, ağır şəkildə mübahisə edəsi deyillər. Ola bilər, yaradıcı mübahisə baş verib, məsələ sosial şəbəkə və mediada şişirdilib. Onların ikisi də mədəni insanlardır".


Müəllif: Aysel Azad