“Açıq mikrofon” Şirvanda quruldu

Bu gün Salyan Regional qaz istismarı İdarəsinin rəhbərliyi və əməkdaşlarının iştirakı ilə Şirvan şəhərində keçirilən “Açıq mikrofon” aksiyasında abonentlərin şikayətləri dinlənilib, müraciətləri qeydiyyata alınıb.

Bu barədə Teleqraf.com-a SOCAR "Azəriqaz" İstehsalat Birliyindən məlumat verilib.

Yaşayış məntəqələrinin qazlaşdırılması, qapı keçidinin quraşdırılması, qaz sayğacının əvəz olunması və s. kimi müraciətlər ünvanlayan sakinlər onlara köməklik göstərilməsini istəyiblər. Fərdi qaydada hər bir sakinin müraciətini dinləyən əməkdaşlarımız qaldırılan məsələlərin bir çoxunu elə aksiya zamanı həll ediblər. Bəzi müraciətlər isə araşdırılması üçün qeydiyyata alınıb.