Yeni kadrlar inamı doğrultmur, Əhmədzadənin dövründə... - Aqil Abbas

“Ağcabədidə 115 artezian işləmir. Cəmi 11 artezian quyusunun təmirinə maliyyə ayrılıb. Mənə zəng vururlar, kəndə gedəndə deyirlər ki, problemi həll et. Mən də and içirəm ki, artezian quyusu qazdırmaq üçün maliyyəm yoxdur. Əhməd Əhmədzadənin zamanında belə problemlər olmurdu”.

Teleqraf.com xəbər verir ki, bunu parlamentdə çıxışı zamanı deputat Aqil Abbas deyib.

Deputat əlavə edib ki, belə problemlərin olması son nəticədə insanların Bakıya üz tutmasına səbəb olur: “Anlayıram, su qıtlığı var. Ancaq bu məsələni həll etmək lazımdır.

Əvvəllər yaponlar bir neçə quyu qazmışdı. İndi də mən Yaponiya səfirinə müraciət edim?.. Çünki yeni kadrlar inamı doğrultmur".

Aqil Abbas vurğulayıb ki, Şəmkirdə də su problemləri var.

Spiker Sahibə Qafarova da belə problemlərin mövcudluğunu deyib.