Milli Məclisin deputatı beynəlxalq konfransda iştirak edəcək

Milli Məclisin deputatı, Azərbaycan-ABŞ parlamentlərarası əlaqələr üzrə işçi qrupunun üzvü Erkin Qədirli noyabrın 15-də Belçikanın paytaxtı Brüssel şəhərinə səfər edəcək.

Bu barədə Teleqraf.com-a Milli Məclisin Mətbuat və ictimaiyyətlə əlaqələr şöbəsindən məlumat verilib.

Qeyd olunub ki, deputat səfər çərçivəsində “ABŞ-da aralıq seçkilər: ABŞ demokratiyasına, Avropa İttifaqına və dünya siyasətinə təsirləri” mövzusunda keçiriləcək konfransda iştirak edəcək. O, müxtəlif mövzularda keçiriləcək sessiyalara da qatılacaq.

Səfər noyabrın 17-də başa çatacaq.