Bakı metrosunda problem - Qatarlar gecikdi

"Bakı metropoliteni"ndə qatarların intervalında gecikmə olub.

Teleqraf.com xəbər verir ki, bu barədə qurum məlumat yayıb.

Bildirilib ki, qısamüddətli gərginlik düşməsi nəticəsində "Bakı metropoliteni"nin Qırmızı xəttində qatarların hərəkətinin və stansiyalarda aidiyyəti üzrə normativlərə uyğun tənzimləmə işləri aparılır:

"Bunun nəticəsində xəttin sahələri üzrə qatarların hərəkət intervalında 1 və 2 dəqiqə gecikmələr müşahidə olunub. Hazırda qatarların hərəkətinin cədvəl üzrə tənzimlənməsi aparılır. Sərnişinlərin və hərəkətin təhlükəsizliyinin təmin olunması məqsədilə bütün tədbirlər görülüb"