"Məktəblərdə müəllim çatışmazlığı yoxdur" - Emin Əmrullayev

Azərbaycanda 4400 məktəb var və onlar ya yenidən tikilib, ya da əsaslı təmir edilib. Bundan sonra da bu iş davam etdiriləcək.

Teleqraf.com xəbər verir ki, bunu jurnalistlərlə açıqlamasında Elm və Təhsil Nazir Emin Əmrullayev deyib.

Azərbaycanda məktəblərdə müəllim çatışmazlığından danışan nazir söyləyib: "Müəllimlik kifayət qədər rəqabətli sahəyə çevrilib. Məktəblərdə ümumilikdə müəllim çatışmazlığı yoxdur. Ucqar kəndlərdə dərs sayları az olmasına görə müəllim çatışmazlığı olur. Hazırda məktəb rasionallaşmasını buna görə aparırıq ki, şagidləri daha yaxşı təhsillə təmin edək. Şagird sayı az olan məktəblərdə, yəni 1,2,3 uşaq olan məktəblərdəki şagirdlər digər məktəblərə daşınacaq. Şagird sayı 100-dən az olan məktəblərin hər birinin rasionallaşdırılacağı yanlış fikirdir", - deyə nazir qeyd edib.