Quru dərini nəmləndirir: Günəş ləkələrindən qoruyur, sızanaqları yox edir

Bəzi qidalar dərini içəridən qidalandıraraq xaricdən tətbiq olunan məhsullardan qat-qat daha effektiv şəkildə ona sağlam görünüş verir. Bu qidalar öz təbii maddələri ilə dərini yeniləyir, parlaqlıq və elastiklik verir. Düzgün qidalanma ilə dəri sağlamlığı öz-özünə güclənir.

Teleqraf.com-un verdiyi məlumata görə, dərini daxildən qidalandırmağın ən təsirli yolu həmin qidanı birbaşa istehlak etməkdir. Bədən ehtiyac duyduğu vitamin və mineralları daxildən alaraq dəri hüceyrələrini təbii şəkildə yeniləyir və canlandırır. Sağlam dəri düzgün qidalanma ilə başlayır.

Günəbaxan tumu tərkibindəki vitaminlər, minerallar və antioksidantlarla təkcə ümumi sağlamlığımıza deyil, həm də dəri sağlamlığımıza əhəmiyyətli töhfələr verir. Bu tumlar E vitamini, sink və sağlam yağlarla zəngindir.

Vitamin E güclü antioksidant kimi çıxış edir və dərini sərbəst radikalların yaratdığı zədələrdən, günəşin zərərli şüalarından qoruyur və dərinin vaxtından əvvəl qocalmasının qarşısını alır, dərinin nəm balansını qoruyur və daha canlı və parlaq görünməsini təmin edir.

E vitamininin müntəzəm qəbulu incə xətt və qırışların əmələ gəlməsini də gecikdirir.

Günəbaxan tumlarında olan sink dəri hüceyrələrinin yenilənməsində mühüm rol oynayır. Xüsusilə sızanaq problemi olanlar üçün sink dəridəki iltihabı azaldaraq daha sağlam görünüşlə təmin edir. Sink həmçinin dəri toxumasını bərpa etməyə kömək edir və yaraların sağalmasını sürətləndirir. Buna görə günəbaxan toxumlarının istehlakı dəridəki sızanaq izləri və ləkələrin daha sürətli sağalmasına kömək edə bilər.

Günəbaxan toxumlarında dərini oksidləşdirici stresdən qoruyan güclü antioksidanlar da var. Bu antioksidanlar dəridəki sərbəst radikalları neytrallaşdıraraq dəri hüceyrələrinin zədələnməsinin qarşısını alır. Beləliklə, dəri daha sağlam, parlaq və elastik olur.

Günəbaxan toxumlarının istehlakı dərinin tonunu bərabərləşdirməyə və dərinin daha canlı görünməsinə kömək edə bilər.